Chid Benz ambaye sasa anafanya vyema na ngoma yake 'Muda' akiwa ameshirikiana na Q Chief amefunguka na kusema Babu Tale hakuwa meneja wake bali alikuwa ni mtu ambaye walikuwa wanashauriana ili kufanya kazi na kusogeza maisha ila hakuwa meneja wake.
Msanii Chid Benzi akiwa katika studio za Friday Night Live.
Chid Benz alisema hayo jana alipokuwa kwenye kipindi cha Friday Night Live na kusema kuwa katika kipindi chote anafanya muziki hakuwahi kuwa na meneja na kudai meneja wake wake siku zote ni wananchi ambao wanapenda kazi zake na kumpa support katika kazi yake.
"Saizi mimi kazi zangu nasimamiwa na wananchi, nimeona niwaachie wananchi waendelee kunisimamia kwa sababu siku zote wapo na mimi, katika historia yangu mimi sijawahi kuwa na meneja , katika historia yangu ya muziki naomba leo niweke wazi sijawahi kuwa na meneja hata mara moja. Tale kwangu hakuwa meneja bali alikuwa mshikaji ambaye nilikutana naye halafu yeye akanipa mawazo kadhaa tufanye hivyo hakuwa meneja bali alikuwa ni mtu niko naye mimi nafanya vitu vyangu na wewe anafanya vyake ili tusonge mbele tufanye kazi, kwa hiyo ni mtu ambaye kwa muda ule alitokea na kusema Chid tufanye hiki na hiki kwa hiyo angetokea mtu mwingine yoyote yule na kusema tufanye hiki na hiki ningefanya naye" alisema Chid Benz
Mbali na hilo Chid Benz anasema kuwa mashabiki na watu kiujumla hawajapoteza imani na yeye licha ya mambo yote yaliyowahi kutokea nyuma hivyo amezidi kuwaomba waendelee kusupport kazi zake, na kuzidi kumuombe ili ashinde vita anayopigana.
Tags
Burudani