Pesa ilitajwa kama jambo kubwa lililochangia Neymar kuikimbia Barcelona na kwensa kujiunga PSG huku ikitajwa kwamba matajiri wa Quatar ndio chanzo kikubwa cha Neymar kuikimbia Barcelona.
Lakini mlinzi wa kulia wa Brazil ambaye pia anakipiga pamoja na Neymar katika klabu ya PSG Dani Alves anajua ukweli haswa kwanini Neymar alikimbia kutoka Barcelona na kwenda PSG.
Dani Alves anasema uhuru ndio ulimuondoa Neymar kutoka Barcelona na uhuru alioutaka Neymar ni kucheza peke yake bila kivuli cha mtu mwingine jambo ambalo hakuwa analipata akiwa Barcelona.
Alves anasema sio kwa ubaya lakini kucheza pembeni na mtu ambaye ana uwezo mkubwa kama Messi ni kazi ngumu haswa kama mko katika eneo moja uwanjani na inakuwa ngumu watu kukuangalia.
Dani Alves anasema ni ngumu sana kwa mtu kukaa juu ya Lioneil Messi haswa kama unacheza naye timu moja na njia pekee kukaa juu ya Lioneil Messi ni kujitegemea na kujaribu kumtegemea.
Alves amesema yeye binafsi anamkubali sana Lioneil Messi lakini hasahau kwamba yeye ni Muargentina na wao ni Wabrazil na kuna siku watakutana katika mashindano na hivyo inambido yeye amuunge Neymar kwa kuwa ni Mbrazil mwenzake.