MUONGOZO: JINSI YA KUOMBA MKOPO KUTOKA BODI YA MIKOPO YA ELIMU YA JUU (HESLB) 2020/2021

Habari yako ndugu Msomaji wa makala mbalimbali za blogu hii. Zifahamu hatua mbalimbali za kufuata ili ufanikiwe kutuma maombi yako kwenda bodi ya mikopo ya wanafunzi wa elimu ya juu (HESLB), kwa kufuata hatua hizi:

Vitu vya kuwa navyo katika hatua za mchakato wa kuomba mkopo:

1.HAKIKI CHETI CHA KUZALIWA

Cheti cha Kuzaliwa kilichohakikiwa na RITA, kama bado hujahakiki cheti chako, bofya hapa kuhakiki na gharama za kuhakiki cheti chako ni Tsh 3,000/= kwa kila cheti. Kama umefiwa na mzazi mmoja au wazazi wote wawili unatakiwa kuhakiki vyeti vyao pia ili uweze kuvitumia kama kigezo cha ziada cha kupatiwa mkopo. Bofya Hapa Kusoma Mwongozo wa kuhakiki vyeti RITA

>>Bofya hapa kuhakiki vyeti vyako (Unatakiwa kujisajili kwanza) | Unatakiwa kuingia upande wa CREATE ACCOUNT

2. KITAMBULISHO CHA MDHAMINI

Kitu cha pili cha muhimu kuwa nacho ni kitambulisho cha mdhamini ambae anaweza kuwa ni mzazi au mlezi wako, na kitambulisho kinachotumika ni kitambulisho cha MPIGA KURA au cha NIDA.

3.PICHA YA PASSPORT SIZE (YA MDHAMINI NA MUOMBAJI MKOPO)

Hiki  ni kitu kingine ambacho kabla ya kuanza kufanya process za mkopo unatakiwa kuwa nacho.

Tajwa hapo juu ni mahitaji ya awali katika kuomba mkopo.

JINSI YA KUANZA KUOMBA MKOPO

Kumbuka maombi yote ya mkopo yanafanyika katika mfumo maalumu wa maombi ya mikopo ya wanafunzi wa elimu ya juu OLAS na sio vinginevyo.

Kwa wanafunzi waliosomea ndani ya Tanzania watagusa hicho kipengele cha NECTA na kwa waliosomea nje ya Tanzania au Mitaala ya Nje watabofya hapo kwenye NON-NECTA Kisha utajaza taarifa zako

1.KUJISAJILI KATIKA MFUMO WA OLAS

Hatua ya kwanza kabisa katika kuomba mkopo ni kujisajili katika mfumo huo wa OLAS, na baada ya kujisajili utapewa CONTROL NUMBER na Mfumo huo ambae utaitumia katika kutuma gharama ya kuombea mkopo ambacho ni kiasi cha Tsh 30,000/= tu. Maelekezo ya jinsi ya kulipia gharama hiyo baada ya kupata control number haya hapa: 

2. KUJAZA TAARIFA ZAKO KATIKA MFUMO WA OLAS

Baada ya kufanikiwa kujisajili na kufanya malipo utatakiwa kujaza taarifa zako za kijamii na kielimu kuanzia shule ya msingi mpaka hapo ulipofikia (Form IV au Diploma), na kuambatanisha taarifa zako katika kila kipengele husika.

3.KU-PRINT FOMU YAKO YA MAOMBI YA MKOPO

Baada ya kujaza formu yako ya maombi ya mkopo katika mfumo wa OLAS, kwa usahihii, utatakiwa ku PRINT fomu yako ili uweze kutia sahihi na kupeleka sehemu zifuatazo:

 (i) Mahakamani (Kwa mwanasheria anaetambulika na serikali)

 (ii) Serikali za Mitaa (Ofisi ya Kijiji)

 (iii)Sahihi ya mdhamini

 (iv) Sahihi ya mwombaji Mkopo

4.KU- UPLOAD FORM NA 2 NA NA 5:

Baada ya fomu yako kutiwa sahih na watu tajwa hapo juu unatakiwa kuzi upload form namba2 na form namba 5 katika mfumo wa OLAS. Baada ya kufanya hivyo unashauriwa kutoa nakala ya fomu yako yote ikiwa tayari imejazwa.

5.KUTUMA POSTA KWA NJIA YA E-MS

Hatua ya mwisho kabisa katika kuomba mkopo wa wanafunzi wa elimu ya juu ni kutuma fomu yako ya maombi ikiwa kamili kwenda bodi ya mkopo kwa njia ya kielektroniki ya posta (EMS) na gharama zake ni Tsh 13,500/= (kama kutakuwa na ongezeko utajulishwa huko posta).

Asante kwa kutembelea mpemba blog, kwa maoni na maswali tafadhali weka Comment yako hapo chini.