Wakati klabu kongwe ya Yanga ikikumbwa na sakata la uhaba wa fedha hivi sasa, Ofisa Habari wa Simba ameyataka matawi yote ya Simba kuichangia Yanga.
Kupitia ukurasa wake wa Instagram, Manara ameandika akiwataka wanachama na mashabiki wa klabu hiyo kuanza kuichangia Yanga kwa maana hali ya kiuchumi hivi sasa si rafiki.
Msemaji huyo mwenye maneno mengi amesema Yanga imejitakia kufikia hali iliyonayo hivi sasa mpaka akafikia hatua ya kutoa agizo kwa Wanasimba kutoa mchango wao uweze kuwasaidia.
Sisi si maadui wala mahasimu, sisi ni watani tena wa jadi, kwa maana hiyo na kwa kutumia mamlaka niliyopewa naagiza matawi yote ya Lunyasi nchi nzima wachange kunusuru ufakiri huu wa kujitakia walionao jamaa zetu. Hili ni agizo si hiari, na mimi ninaanza kwa kutoa milioni tano leo" mameandika Manara.
