WEKUNDU wa Msimbazi Simba SC, ni kama wameamua kuifanyia Umafia klabu ya Majimaji ya Songea baada ya kumtumia mchezaji wao Marcel Boniventure tiketi ya Ndege ili kukamilisha dili la usajili.
Habari kutoka gazeti la BINGWA inaeleza kuwa harakati hizo zote zimefanywa na mfanyabiashara na mwanachama mahiri wa Wekundu hao Mohammed Dewji 'MO' ambaye ndiye aliyeshinda zabuni ya uwekezaji ndani ya wekundu hao.
Habari hiyo inaeleza kuwa Mo hakutaka kusubiri mpaka Ligi iishe kwa kuhofia kuwa Singida Unuted watawazidi kete kwani na wao walikuwa wanamuwinda kwa udi na uvumba staa huyo mwenye jicho la mabao.
Unaambiwa licha ya mchezaji huyo kahofia kuwa akimalizana na Simba mapema ataambiwa ameihujumu timu yake ya Majimaji iwapo watapoteza mchezo wao wa mwisho dhidi ya mabingwa hao ila Mo alimpigia simu na kumtaka apande Ndege na kuja kusaini mkataba wa awali Msimbazi.
Boniventure amefunga mabao 13 hadi sasa ikiwa yupo nafasi ya tatu kwa ufungaji bora nyuma ya Emmanuel Okwi mwenye mabao 20 na John Bocco mwenye jumla ya mabao 14 kibindoni.